கமல்ஹாசனின் மகள் ஹீரோயினாக போகிறார் என்ற ஹேஷ்யம் இன்று நேற்று ஏற்பட்டதல்ல... சுமார் நான்காண்டுகளுக்கு முன்பிருந்தே துவங்கிவிட்டது. பிரபல தயாரிப்பாளர் ஆஸ்கார் ரவிச்சந்திரன் அதற்கான முயற்சிகளை மேற்கொள்வதாக அப்போது கிசுகிசுக்கப்பட்டது. இதுபற்றி கமலிடம் கேள்வி எழுப்பியபோது, நான் என் மகளுக்கு முழு சுதந்திரம் கொடுத்திருக்கிறேன். அவர் என்னவாக வேண்டும் என்று விரும்புகிறாரோ, அதற்கு முழு சுதந்திரம் உண்டு என்று கூறியிருந்தார். ஆனால், வெளிநாட்டில் இசைபயின்று வரும் ஸ்ருதி, உலகத்தையே அதிரவைக்கும் இசையமைப்பாளராக வருவார் என்று நினைத்திருந்த பலருக்கு இந்த செய்தி அதிர்ச்சியையே அளித்திருக்கும்.
மாதவன் நடிக்கும் ஒரு படத்தில் அவருக்கு ஜோடி சேர சம்மதித்திருக்கிறாராம் ஸ்ருதி. நிஷிகாந்த் காமத் என்பவர் இயக்கும் இப்படம் ஜனவரியில் துவங்க இருக்கிறது. சேரன், சினேகா நடிக்கும் பிரிவோம் சந்திப்போம் படத்தை தயாரித்து வரும் ஞானம் பிலிம்ஸ் நிறுவனம் இப்படத்தை தயாரிக்கிறது. இன்னும் பெயர் வைக்கப்படாத இந்த படத்தின் பிரமாண்ட துவக்கவிழா சென்னையில் நடைபெறலாம். அதில் கமல் கலந்து கொள்ளலாம் என்கிறது கோலிவுட் பட்சி
No comments:
Post a Comment